من أجمل القصائد الغزلية التي أطربتني حتى الثمالة
الغياب
إن قلت وش ذا الغياب !.؟يقول أية غياب
وإن قلت هو باقي أكثر قال ما شفت شـي
حــط التحدي عديل الروح و الـــود شـاب
وافخت عنـان المواصل صاحبي من يـدي
غادر وغــادر معــه قلبـي ذهــــاب وإيـاب
لكـن مــا جــا .. وجـــا قلبـي يسلــم علـي
طــال انتظاري وصدري شارع ٍ كــل بـاب
ولا لفى إلا الفراق اللي طوى الحـال طـي
تمــوت بينـي وبينــه شــرهتـي والعتـــاب
وأنـا مــع البعــد حـي وكـــن مــاني بحـي
أضـرم ظما البعــد في وكني اطـرد سـراب
أخيـل ضـوحـا ولكـن مــا حصـل منـه ري
وأقــلـب المــزهبـه لعـــل باقـــي زهـــــاب
والشمس تحرق شنق وجهي ولاأخيل في
أبـــي فـتاتـــة عــذر وإلا توالـــي جـــواب
عـن سبـة فراقه اللي حــط في القلـب كـي
مـن عقب مـا مدهـل عيونه عزيز الجنـاب
اقلـــط به الله يوســـع لـه لـو الجـرح نـي
و أضـــم عينـه بعينـي وأتوقـــى حــــراب
واسهي ولا عاد أبي مـن بعـد لامـاه ضـي
واليـــوم جاني يبي جرح ٍ جديـد وصـواب
واركيـت له جرحــي اللي له زمانيـن فـي
وصدعت يا أجمـل بن آدم سيد تلع الرقاب
يا اللي مع النـاس مالك بأسود العيـن زي
يا ذنب عابر سبيل ، أذن ، وصلى ، وتاب
لكــن بعــد تــاب عاد وعانـق الذنـب غـي
فاتـــورة الهجـر زادت ما دفعـت الحسـاب
و أنــا مسدد غـــلا يا عنـك ما هـو شـوي
فــإن كــان ســاقك هوى وإلا كفاية عذاب
مــا دامت ديــار فكــري منك ما هي اخلي
واعرف ترى اللي يعوض القلب عقب الذهاب
حـلــم يجينــي بطيفــك بين هــــــذي وذي
ولا جـــابك الحلــــم يمي منتك في التراب
وإن كــان تقدر تعيي يا أريش العين عي
0 التعليقات:
إرسال تعليق